Wayanastawa

Karya Karya Puisi Cecantungan.

B U D U H .

Ngae bede melakar tiing buluh.

Masibeh kayu pasang di sunduk.

Nak Gede ….Mamunyi mula aluh.

Satuane liu,tusing menehin unduk.

Jani kekene,buin bisa kaketo.

Encen kangin.cen kauh.

Makejang tuara masulur.

To mawinan kaucap semu kalbu.

Alih nganginan,nanging…

Tekane uling kauh.

Pangenahne bedaja kewala,

Sujatine badelod.

Tiang bingung…………’

Anake pusing………….’

Ida dane paling……….’

Nanging…………………..’

BAPAKE buduh.

_______________________________________________________________________________________________

NE, A B A

Duh……….Ratu Gede

Titiang puniki jatma nista

Dot pacang uning

Napi kesujatianne NE, A B A

Ampura titiang Ratu

Mangde ten keni raja pinulah

Mawinan NE, A B A ke panggih

Ane Boya-Boya Ade

Titiang nunas Ratu……..

Gelis picayang……..

NE, A B A pang patut

Mangde nenten Saru-saru Gremeng

NE, A B A di Banjar

Ape Bakat Anggon

NE, A B A di bisnis

Asal Bapak Acc

NE, A B A dadi Pemimpin

Asal Bisa Anggut-anggut

NE, A B A didewek

Anak Bisa Awag-awag

Elingang Ratu…………….

Mangde tan iwang

Patut NE, A B A sujati

Sane munggah ring sastra

Agama Budaya Adat

Asli Bali Alami

Punika Patut Sungkemin

Soma Wage Klau, Sasih Maret, 2003

_______________________________________________________________________________________________

R A S A

Yan Alih diwacaan

Sesuratan sastra aji

Pemetuannya catur

Papat aksarane

Memurti catur aksara

Rerehang ring…………….

Penumadian dewek

Rasa punika……………..

Pinaka sari sarining manah

Mewastu dadi idep

Yen rerehang saking…….

Kawit asalnya

Rasane ento……..

Saking makudang-kudang soroh

Raris adungang

Keucap pengrasa jati

Elingang Ratu……

Yan rasa punika

Lepas ring dasar

Nenten adung, ten manut

Kebaos tuna pengerasa

Mangkin………………

Manusane tan pengrasa

Sari sarining manah ical

Idepe sampun mati

Campah ……..,Campuh……,Congkak…

Punika manusa tanpa Budi

Duh……………Ratu Agung

Sapunapiang mangkin

Manusane tan pengrasa

Tanpa Budi

Tingkahe Momo, Angkarane Mamurti

Punika cihna jagate Pralaya

Anggara Kliwon Kulantir, 2003

_______________________________________________________________________________________________

B E S…(begug, egois, sombong)

Tan sida antuk ngitungin

Buat kesuksman

Sastrane puniki

B E S……..

Ngemetuang arti semu

Jele lan Melah campuh dadi besik

Yening wenten jatma

Ngelah satwa liu

Memunyi tanpa bukti

Tanpa muncuk, tanpa bongkol

Punika keucap……..

B E S…..Duweg…BES…Ririh….

Yening wenten jatma

Kenehne gede tur kukuh

Ten dados saingin

Arus kene arus keto

Makejang tuwutin

B E S……Aku, B E S…..Momo

Mangkin…….

Wenten jatma gede

Dados pemimpin

Ten ngerti kangin – kauh

Kene…..Nggih….Keto..Nggih

B E S….Memolos, tuna tetimbang

Kewala elingang Ratu…

Patut timbangin

Mangde ten tuna, ten lintang

Sane di tengah-tengah punika

B E S……Sane Sujati ( Biasa-biasa Ede Sombong )

Punika ngiring Aptiang.

Buda Kliwon Dungulan, 2002